梁智仁騷「處男自拍」

【明報專訊】香港護士協會噚日喺商場舉辦攝影比賽頒獎禮，喺現場放咗部即影即有自拍機，畀嘉賓同護士影相留念。一班醫療界高層就好開心玩自拍，當中向來民望高企嘅食衛局長高永文一到場就好受歡迎，有唔少嘉賓同護士主動要求同佢一齊自拍。


同場嘅醫管局主席梁智仁，一向形象正經，噚日都有同行政總裁梁栢賢（PY）自拍，梁智仁教授同Emily講今次係佢第一次自拍，縱使科技發達，但原來佢仲係用緊已經絕版、只可以打出打入嘅諾基亞（Nokia）舊款手機，仲話部手機用咗幾年，到家都未識用要靠觸控嘅智能電話，所以打算遲吓要換電話接觸新科技。


Emily聽講，梁智仁平日唔會傳短訊，有事交帶醫管局同事就會直接打電話㗎。