赴法飲岳少喜酒CY自己畀錢

【明報專訊】旅發局主席林建岳女兒林恬兒與星島集團何柱國兒子何正德，啱啱喺法國南部包咗個莊園，連續3日舉行派對和婚禮，據知特首梁振英（CY）好畀面，專程飛去法國飲喜酒。不過，特首辦回覆Emily，話特首正在休假出埠，但講明特首無搭私人飛機，而係自己畀錢買機票及住酒店。特首辦話唔會透露特首休假嘅私人活動，但就話如果特首去婚宴，應該唔算接受款待。梁振英會喺5月6日先返工。


林建岳係經民聯監事會主席，佢嫁女，黨友自然替佢高興。立法會噚日唔夠人而流會，經民聯議員梁君彥、林健鋒、石禮謙同張華峰等都唔見人，原來佢哋全部請晒假，話呢段時間唔喺香港。不過，佢哋都唔會留喺法國太耐，因為經民聯發咗採訪通知，聽日周五會向政府遞交政改意見，故佢哋最快今日返港。