校友出錢徐立之長留港大

【明報專訊】擔任香港大學校長12年嘅徐立之上月底退休，港大一班校友為答謝徐教授對港大嘅貢獻，向佢送上一份退休大禮——透過向港大捐款而將龍華街宿舍其中一座命名為「立之學院」，由港大專業進修學院院長李焯芬任院長，令「徐立之」可以用另一種方式繼續留喺港大。


Emily聽有份捐錢成立「立之學院」嘅1970年理科畢業生潘燊昌講，今次由20多名校友共同捐款畀港大，各人捐款數十萬元至上千萬元不等。


徐立之諗咗幾個月先答應

佢透露，幾個月前已向徐提出命名建議，但徐性格謙虛，沒有立即回應，考慮咗數個月時間，直至早前先至答應命名一事。


港大龍華街宿舍合共會提供1800個宿位，港大將整體命名為「賽馬會第三學生村」答謝馬會捐款，另3座宿舍分別命名為信興學院、志新學院同日新學院，答謝信興教育及慈善基金、謝新瑪德慈善基金及董氏基金會捐款。連同校友嘅捐款合共4.5億元，港大會將部分捐款，申請政府大學配對補助金。