岳少女兒曬婚紗照

【明報專訊】旅發局主席林建岳女兒林恬兒（Emily），與何柱國兒子何正德（Kent）昨午喺法國南部尼斯附近舉行婚禮，除咗雙方親友，名人包括何超瓊、俞琤、楊受成、劉嘉玲、何超盈等亦飛往當地祝賀，新娘好姊妹包括邢李㷧女兒邢嘉倩相繼抵達當地「陪嫁」。


一對新人貫徹低調作風，千叮萬囑親友唔可以透露婚禮內容細節，更「下令」不能於社交網站上載婚禮相片。不過，記者發現林恬兒嘅facebook，上載咗一幀有兩人於雪地上拖手面向太陽合照，疑是兩人早前往外地影嘅結婚相；另一幀則見新娘子穿上有復古特色嘅婚紗。


袁彌明宣布嫁林雨陽

據知婚禮分3日舉行，婚禮前一日喺餐廳舉行pre-wedding，昨午行禮，晚上設宴款客，今日再舉行派對。兩人將於5月18日喺灣仔君悅酒店補擺喜酒。


另外，人民力量主席袁彌明（Erica）亦宣告結婚喇，佢同「謎網」行政總裁林雨陽拍拖約一年，噚日Erica喺fb宣布「今天，我們倆，林雨陽和袁彌明幸福地宣布，我們將於今年冬季註冊結婚」，恭喜晒。