中石化揀財務顧問 繳評審手機

【明報專訊】首批改革國企之一嘅中石化（0386）噚日宣布，請咗中金、德銀、中信證券及美銀為油品銷售業務重組，同埋引入民營資本做財務顧問。不過，之前盛傳有份入圍嘅高盛就影都唔見，莫非同近排投行避忌國企有關？


中石化月頭就出公告講，已經將旗下油品銷售業務資產全部注入咗子公司中國石化銷售，下一步就係市場最關心嘅「混合所有制改革」，即係為中國石化銷售引入唔超過30%嘅民營資本。


大熱門高盛 最後名單無影

之前有消息話好多境內外投行都有興趣參與項目，外電仲言之鑿鑿話中石化已經欽點咗中金同高盛，不過令小琴意外嘅係，家出嚟最後名單竟然無咗高盛份。其實中石化今次搵財務顧問很嚴格，唔止要甄選說明會、篩選、面試，仲嚴禁中石化一眾領導參加挑選，連參與畀分嘅評審委員，評分嗰陣連手機都要上繳，可能真係怕咗反腐風暴啦。


[小琴密語]