Robert Ng是黃志祥

【明報專訊】嚟緊星期日係愛彼女皇盃，其中一匹本地參賽馬「信利多」嘅練馬師鄭俊偉（Michael）透露，話舊年暑假突然收到一名「Robert Ng」來電，誠邀佢幫手訓練愛駒「信利多」，過咗好耐Michael先知呢個神秘人原來係信和置業主席嘅黃志祥！

愛駒周日有機會發威

Michael笑話自己其實唔識Mr. Ng，不過對方話睇報紙知道自己嘅練馬功夫有歐洲風格，咁啱佢有匹愛爾蘭fit馬，所以專登搵佢訓練。Emily都頭痕，點解「黃先生」會變「Mr. Ng」嘅呢？後來醒起黃志祥跟隨爸爸黃廷方由新加坡嚟香港打天下，可能新加坡嘅英文譯名同廣東話譯音唔同，所以英文名變咗Robert Ng。


Mr. Ng嘅愛駒「信利多」有份代表香港出戰女皇盃，係唯一一匹由華人練馬師訓練嘅賽馬，如果「信利多」贏咗，Michael就係繼2000年嘅簡炳墀之後，第二個有呢項殊榮嘅華人練馬師。