梁振英今年再放假 唞11天

【明報專訊】特首梁振英（CY）聽日起將會離港休假11日，至5月6日先返香港，其間會由政務司長林鄭月娥署理特首職務。今次係梁振英任內第6次休假、今年內第2次休假，佢對上一次放假喺1月農曆新年，一共放咗13日歐遊，當時CY仲話放假令返工日數減少，所以無去到主持渣打馬拉松起跑。


另外，CY噚日喺網誌為成立「創新及科技局」拉票，話根據世界經濟論壇最新《全球資訊科技報告2014 》，香港「網絡就緒」指數喺148個經濟體中排名第8位，較去年排名14升咗6位，而喺亞洲排名第2；至於韓國就排名第10位、台灣排第14位。