新聞類別
財經
詳情#
【明報專訊】自從有咗網上銀行之後，小琴愈嚟愈少落去銀行分行，一嚟怕排隊，二嚟銀行收得早，唔係成日都較啱時間去。話說東亞銀行（0023）今年2月份，喺中環國金商場入面，開咗首間電子分行。標榜開戶及搞按揭快，最正係過左5點，都仲有得喺入面同職員用視像通話入錢借錢，啱晒一批白領人士。
電子分行落戶時代廣場
東亞總經理兼個人銀行主管許文森噚日就話，呢間電子分行因為方便，結果新開戶人數比目標多咗20%。由於商場入面有地產商嘅售樓處，仲帶動埋按揭生意添。不過，分行6月份就租約期滿，兼示範效果已達到，跟手會喺銅鑼灣時代廣場長租舖位，希望吸到一批後生客。
佢話電子化勝在夠快同慳成本，裝修、設備等支出，就比傳統分行平20%。今次睇埋ifc間舖個成績係點之後，第時準備添食，但應該只會喺多後生客嘅地點開，例如大學入面。除此之外，東亞又準備新信用卡i-Titanium，最特別係主打網上購物，食正近年潮流。電子錢包自然少不了，許文森話家等緊監管機構審批，個系統已經可以運作，最快今季見街，即管睇下到時手機錢包個市場鬥成點啦。
email: piano@mingpao.com
[小琴密語]
電子分行落戶時代廣場
東亞總經理兼個人銀行主管許文森噚日就話，呢間電子分行因為方便，結果新開戶人數比目標多咗20%。由於商場入面有地產商嘅售樓處，仲帶動埋按揭生意添。不過，分行6月份就租約期滿，兼示範效果已達到，跟手會喺銅鑼灣時代廣場長租舖位，希望吸到一批後生客。
佢話電子化勝在夠快同慳成本，裝修、設備等支出，就比傳統分行平20%。今次睇埋ifc間舖個成績係點之後，第時準備添食，但應該只會喺多後生客嘅地點開，例如大學入面。除此之外，東亞又準備新信用卡i-Titanium，最特別係主打網上購物，食正近年潮流。電子錢包自然少不了，許文森話家等緊監管機構審批，個系統已經可以運作，最快今季見街，即管睇下到時手機錢包個市場鬥成點啦。
email: piano@mingpao.com
[小琴密語]
留言 (0)
