「花面」議員海報成藝術品

【明報專訊】各大政黨都會喺街頭掛各類宣傳橫額及海報，但呢啲物品有時會成為滋事者破壞嘅對象，而估唔到呢啲物品都可以變成藝術品。浸會大學視覺藝術院校友伍啟豪，憑作品《公民海報》（下圖）分別奪得「海報（專題）金獎」、「評審獎（平面組）」及「香港最佳設計獎（平面組）」3個獎項。


伍啟豪話，政治橫額本來係幫議員或政黨建立形象、展示立場，但掛滿街頭嘅宣傳品，唔少卻落得被割破毁壞嘅下場，呢啲爛宣傳品掛喺街上，佢認為功用早已不同，而每道傷痕均透露咗市民嘅心聲，所以佢將爛海報集合成為一件藝術品，變成反映社會另一面嘅「公民海報」。上圖為伍喺頒獎禮上講解作品概念。


（浸大提供）