新聞類別
財經
詳情#
【明報專訊】對好多90後來講，「紅A」可能十分陌生，不過對於年紀有番咁上下嘅小琴嚟講，就喺細細個已聽過嘅品牌，細個屋企總有一兩件紅A牌紅色或者藍色嘅膠水桶、廚房用品。沉寂咗好一段時間後，紅A第三代接班人梁馨蘭（圖）噚日就出嚟，宣布將推出全新副線品牌，專攻年輕人市場，產品仲走繽紛路線，不再單單喺紅、藍兩色。
生產紅A品牌嘅星光實業，已有65年歷史，星光實業業務拓展總監梁馨蘭、亦即紅A第三代傳人噚日笑言，近十年集團比較專注發展醫療系列及餐飲系列塑膠產品，所以市場誤以為集團退出家品市場，於是索性開發全新副線CreA，日後負責集團所有家居產品。
梁馨蘭噚日喺會展嘅家庭用品展上，介紹咗CreA多款家居產品，產品除咗顏色鮮艷，又講求可以一物多用，務求做到「入得廚房出得廳堂」，希望可以符合到本港年輕家庭嘅需求。查實紅A係目前唯一仍堅持真正「香港製造」嘅塑膠製品企業，集團除咗喺新蒲崗設廠生產，連產品設計師都喺本地香港人，行內亦出晒名產品質素高。不過有要求，價錢亦相對高啲，好似集團噚日介紹新型「轉換式筲箕」，估計每個賣50至70蚊，較僅十幾蚊嘅傳統筲箕為貴。
[小琴密語]
生產紅A品牌嘅星光實業，已有65年歷史，星光實業業務拓展總監梁馨蘭、亦即紅A第三代傳人噚日笑言，近十年集團比較專注發展醫療系列及餐飲系列塑膠產品，所以市場誤以為集團退出家品市場，於是索性開發全新副線CreA，日後負責集團所有家居產品。
梁馨蘭噚日喺會展嘅家庭用品展上，介紹咗CreA多款家居產品，產品除咗顏色鮮艷，又講求可以一物多用，務求做到「入得廚房出得廳堂」，希望可以符合到本港年輕家庭嘅需求。查實紅A係目前唯一仍堅持真正「香港製造」嘅塑膠製品企業，集團除咗喺新蒲崗設廠生產，連產品設計師都喺本地香港人，行內亦出晒名產品質素高。不過有要求，價錢亦相對高啲，好似集團噚日介紹新型「轉換式筲箕」，估計每個賣50至70蚊，較僅十幾蚊嘅傳統筲箕為貴。
[小琴密語]
留言 (0)
