懶理fb風波 曾鈺成曬賞櫻相

【明報專訊】立法會主席曾鈺成嘅facebook，前晚一度上載咗一段外國女士在下體紋身嘅片段，畀人話不雅同驚震，而曾主席已經表明對事件唔知情，仲即時剷走短片。佢嘅fb噚日正常番，仲上載幾幅遊覽日本京都嘅風景相，仲話「京都的櫻花大部分已謝了，但到處景色仍十分宜人」，似乎心情未受事情影響。不過，佢遊日本一事，又有人唔太滿意。依家正值中、日關係唔係幾好，而日本內閣成員到訪靖國神社，有曾主席fans就留言，話曾主席唔應該呢個時候去日本喎。