fb現不雅連結 曾鈺成：不知情

【明報專訊】繼民主黨何俊仁喺立法會睇模特兒照片引起社會哄動一事後，曾任培僑中學校長嘅立法會主席曾鈺成懷疑「中伏」，被人發現噚晚喺佢個人facebook專頁，分享咗一條疑涉不雅內容嘅短片連結。短片內容係一個外籍女子講述紋身經歷，佢去紋身店做下體位置紋身，紋身過程中女主角發出刺耳叫聲，並若隱若現影到下身位置。一眾網民留言問主席係咪因為怕「拉布」太悶，仲叫主席小心身體；有網民則請主席「自重」。Emily發現連結大約喺一個鐘後被刪除。


立法會秘書處就幫主席回應話，主席唔喺香港，所以對fb出現短片一事唔知情。有網民就聲稱喺日本京都見到曾主席好開心咁拎住相機周圍影相。