高永文冲絲襪奶茶冇手震

【明報專訊】食物及衛生局長高永文噚日出席「青年金茶王大賽」，畀主持邀請上台冲港式絲襪奶茶，仲有板有眼咁分享冲奶茶祕訣，話一定要冲4次水，先夠滑夠入味。


高永文話平時好鍾意飲奶茶，每日「一杯起兩杯止」。作為管理公共健康嘅局長，佢不忘提醒大家，「要健康就唔可以落咁多糖」，又話自己重視茶、奶、糖嘅平衡，所以只落半包，「雖然未必最好味，但就比較健康」。分享完之後，佢就即刻飲晒自己冲嗰杯奶茶，果然係愛茶之人。