聯通﹕內地4G不需iPhone

【明報專訊】話說市場盛傳iPhone 6將於下半年推出，聯通（0762）董事長常小兵噚日被問到有無機會成為內地首批出售嘅電訊商。佢同執行董事兼總裁陸益民相視一笑，話目前手機製造商愈來愈多，iPhone嘅市場份額已經下跌，內地4G市場「不需要iPhone來滿足」，言下之意似乎已經唔多志在iPhone 6？不過，他之後都補左句，仍會保持同蘋果公司積極溝通合作，爭取成為可以首批發售新產品。


陸益民又話，聯通上月推出4G服務，市場反應非常好，但家仲未有數據睇住，現時無設定3G或4G嘅上客量目標，估計每月每戶收入可以保持平穩。陸益民仍樂觀相信今年內可能獲批FDD-LTE牌照。另外，首席財務官李福申話，市場預料電訊業營業稅改增值稅嘅改革大概將喺6月實施，短期內會對集團帳面有影響，但公司已經作周詳準備，可減低影響喎。


[小琴密語]