鄧家彪割瘡包頭嚇壞阿女

【明報專訊】工聯會鄧家彪噚日去立法會會議時，左邊後腦位置貼咗塊大膠布，皆因阿彪個頭生咗粒大膿瘡，即使食消炎藥都無用，夜晚又瞓唔到覺，所以睇醫生跟進，上星期三做咗小手術割咗佢，由於醫生話佢不宜外遊，所以佢臨時取消唔跟立法會去上海。


阿彪話化驗後證實只係膿瘡，醫生話唔會有後遺症，但上星期做完手術時，好似木乃伊咁要用繃帶包住個頭，嚇親囡囡。噚日建制派議員一齊見記者譴責預算案剪布，事後唔少議員亦有上前慰問阿彪。


（李紹昌攝）