騰訊「企鵝銀行」被搶先註冊

【明報專訊】早前騰訊（0700）話要成立民營銀行，一眾「熱心」網友已經幫間銀行起咗好多個名，最精彩嘅莫過於以騰訊Logo起名嘅「企鵝銀行」。更精彩嘅係，原來真係有人到國家工商總局註冊咗「企鵝銀行」呢個名！不過，究竟係騰訊同網友一齊幽默，定係有人搶先註冊以後博賣個高價，騰訊就話「不予評論」。


根據工商總局4月1號發布嘅企業名稱核准公告，「企鵝銀行股份有限公司」名稱被核准。不過「企鵝銀行」只停留喺名稱註冊階段，要真正運營，仲要向銀監部門申請牌照。3月銀監會確定咗第一批5家民營銀行嘅經營模式，其中騰訊將以大存小貸模式營運，消息一傳開，網友就忙住幫佢起個好名。


究竟騰訊嘅銀行會唔會起呢個名，或者把銀行裝飾成企鵝主題樂園，小琴打算準備好花生，坐定定等新劇情啦。


email: piano@mingpao.com

[小琴密語]