伙伴唔撈 債王高呼「至少老婆愛我」

【明報專訊】當一個人天資聰慧達到「獨孤求敗」嘅境界，啲處事習慣可能真係容易令人頂唔順。全球最大債券基金太平洋投資管理公司（PIMCO）創始人、一代「債王」格羅斯，1月份就收到同佢「關係好如夫妻」嘅前CEO埃里安嘅辭職信，原因之一係抱怨工作時間超長。眾叛親離嘅格羅斯話佢呢兩個月生不如死，悲涼咁高呼「至少我老婆會愛我」！


格羅斯接受彭博採訪時話，埃里安離任令佢「深深地受到傷害」，因為埃里安為佢分擔咗好多任務，佢曾形容兩個人關係好似夫妻咁，佢一走，PIMCO好多長遠發展計劃都無法施行，「呢兩個月痛苦到就嚟死，我好似一個極度憂傷嘅船長，要獨自開船面對前面嘅岩石」。格羅斯話，每次見到報紙寫埃里安離任， 佢都要安慰自己無論如何， 佢太太都會咁愛佢。哎，一代債王，20年叱咤風雲，原來都同大家一樣，強烈地希望自己唔係孤獨一人。


[小琴密語]