晴朗直播室「逼走」黃潔慧

【明報專訊】一般電台節目通常係兩個主持兩個嘉賓，自從商台取消黃昏節目《左右大局》，將主持黃潔慧調上朝早節目《在晴朗的一天出發》之後，《晴朗》家就有4個主持。不過，噚日朝早晴朗請咗4個泛民議員講上海之行，直播室要坐夠8個人，人多聲多又擠迫，結果搞到要兩個主持將就一下暫時離開直播室，同Emily一齊做觀眾，認真少見。


被暫時請走嘅主持係前《左右大局》主持黃潔慧，同埋郭志仁，兩人都咁啱做過商台前節目主持李慧玲嘅拍檔。不過，另一個主持陳聰就可以「留低」，同陳志雲一齊主持節目。其實節目開始時，其中兩個嘉賓遲到，所以開始時直播室內都仲有空位。


圖左起係主持陳志雲、黃碧雲、梁國雄、何秀蘭、郭家麒、主持陳聰。


（陳淑安攝）