郵政展「重建」舊大樓

【明報專訊】香港郵政於4月30日至8月26日，喺九龍公園香港文物探知館，舉辦「郵歷香江——從舊郵政總局大樓細味香港郵政歷史（1911－1976）」展覽，展示舊郵政總局大樓（圖）嘅故事。老一輩香港人會對舊郵政總局大樓有印象，呢幢咁靚嘅古典建築喺1976年清拆，而呢個展覽，會透過場內一幅立體巨型牆照，將昔日大樓面貌重現，屆時仲會以樂高積木砌成嘅大樓模型，用新穎方法介紹舊大樓特色。


展覽仲會有存檔資料、照片、懷舊郵筒、用過嘅郵政設施同埋其間發行嘅郵票。為配合展覽，香港郵政將於4月29日發行一枚郵票小型張，而各郵政局今日起發售正式首日封，每個售價1.2元。詳情可瀏覽網址（www.hongkongpost.hk）。


（香港郵政提供）