食過返尋味 星美落力拍戲

【明報專訊】家陣影視業都幾難做，比如星爺旗下嘅比高（8220），投資《西遊降魔篇》賺一大筆，終於扭虧為盈，但其後就繼續大蝕錢。內地影視製作集團星美文化（2366）就似乎更加落力，舊年投資《中國合夥人》大獲成功後，今年繼續野心勃勃，力邀陳可辛、關錦鵬、許鞍華等名導合作，要投資8至10 部電影，睇嚟要立足競爭激烈嘅內地影視界，不但要力求高質素，更加要高產。


除此之外，星美仲話要加建影視城嘅場景，以及進軍互聯網產業，又話要同英皇資源共享一齊搵食，希望以後有多幾部好電影睇啦。


[小琴密語]