永隆借韓流推新卡

【明報專訊】韓國電視劇喺香港大熱，永隆銀行亦借橋推廣新Visa白金卡，迎新優惠包括以1700港元換領首爾來回機票。永隆銀行助理總經理及零售銀行部主管鍾少權（Derek•圖）昨日出席是次活動，唔講唔覺，原來Derek已由舊東家星展過檔永隆有一年時間，被記者問到對自己工作評分，他相當自信咁笑言「接近excellence」。


據Derek講，永隆首季嘅信用卡簽帳額有雙位數增長，收單業務更有高雙位數增長，至於個人貸款以及財富管理業務增長亦非常理想。另外被問到近來有銀行以高息吸納人民幣定存，佢就指唔少客戶仍然看好人民幣長線走勢，趁匯率下跌時積極吸納人仔。大型銀行亦對人民幣流失感到壓力，故推出優惠吸錢。


[小琴密語]