新聞類別
港聞
詳情#
【明報專訊】今年係甲午戰爭爆發120周年，尖沙嘴歷史博物館同筲箕灣海防博物館舉行一系列相關展覽，等大家溫故知新。頭炮為今日起至6月9日，喺歷史博物館大堂舉行嘅「甲午戰後﹕租借新界及威海衛」展覽，從102件與香港前輔政司駱克（Stewart Lockhart，職位等同現政務司長）相關文獻，展示甲午戰後英國租借新界同山東威海衛經過及歷史變遷。
展品大部分由蘇格蘭國立圖書館收藏，全部首度來港展示，如駱克喺廣州學習中文筆記、康有為喺香港逃難時畀駱克嘅謝函、諷刺列強瓜分中國政治漫畫等，展覽免費入場（逢周二休館）。圖為1899年華僑謝纘泰喺香港繪製嘅《時局全圖》，以各種動物諷刺列強瓜分中國。
（李澤彤攝）
展品大部分由蘇格蘭國立圖書館收藏，全部首度來港展示，如駱克喺廣州學習中文筆記、康有為喺香港逃難時畀駱克嘅謝函、諷刺列強瓜分中國政治漫畫等，展覽免費入場（逢周二休館）。圖為1899年華僑謝纘泰喺香港繪製嘅《時局全圖》，以各種動物諷刺列強瓜分中國。
（李澤彤攝）
留言 (0)
