《成報》新投資者泵水

【明報專訊】《蘋果日報》近排話要緊縮開支，仲有員工收到大信封，但係有74年歷史嘅老牌報章《成報》，就搵到新投資者泵水，仲話加版加內容，招兵買馬，唔少現職員工仲有雙位數加薪。

成報所屬嘅成報傳媒（8010），包括主席田炳信有6個董事喺3月底集體請辭，前投資者內地發展商利海為首嘅董事全面撤離，最近加入咗新執行董事、曾經喺宏霸數碼（802）任職嘅張家華，聽講佢就係新投資者嘅執行人。而坐緊監嘅老闆楊家誠所委託嘅親戚馬瑞昌就繼續喺董事局。

新投資者入場，成報內部即開晒會講招兵買馬同買新電腦，又會裝修辦公室，準備4月16日擴版。出版張數打算由平日11張加到15張。有內部員工講，唔少編輯部員工都有加薪，加幅達雙位數