胡志偉伉儷雨中漫步慶生

【明報專訊】大家唔好以為泛民絕食爭普選，以「雞蛋抗高牆」係無嘢搵嘢嚟做，其實佢哋絕食期間仍有好多嘢做，仲要繼續開工。好似噚日民主黨胡志偉、林卓廷同尹兆堅喺絕食期間仍同「反圍標大聯盟」一班業主見民政總署官員，普選絕食團發言人李卓人噚日就諗住揸車，由中環匯豐銀行駐紮地，接送呢「3隻絕食雞蛋」去金鐘立法會開會，但胡志偉就話唔使，原來係要把握時間陪太座慶祝生日。


絕食期間中環行到金鐘

近排天氣陰晴不定，加埋泛民絕食團絕食爭普選，絕食先嚟落雹，令空氣中增添一份愁雲慘霧。不過，凡事唔係絕對，落雨都可以好浪漫，好似胡志偉噚日就陪太太喺細雨中漫步拍拖，由中環行到金鐘，順便慶祝老婆生日，原來佢前晚仲特登喺12點前返屋企，同太太講生日快樂