去年4人闖入 紅隧最多不速客

【明報專訊】Emily不時聽聞有市民或小動物「唔覺意」行入咗行車隧道，不同嘅隧道管理公司噚日回覆中西區區議會，原來舊年最多人誤闖嘅「榜首」係紅磡海底隧道，共有4宗個案，當中3宗涉及踏單車人士、1宗涉及行人，全部人都係話因為唔熟悉香港法例先至誤闖，幸好都無發生意外。


稱不熟法例 多踩單車者

至於第二位就係獅子山隧道，共有3宗個案，兩宗涉及行人、1宗涉及單車；大老山隧道亦有兩宗。至於唔少人都仲記得嘅小狗跑入西隧事件，則成為西隧去年唯一「誤闖」事件。


告示改為「行人單車不准進入」

最多人「唔覺意」行入嘅紅隧，管理公司信佳集團就話，喺今年1月底已經將「行人止步」告示，改為「行人及單車不准進入」，又增設咗障礙欄柵喺隧道出入口當眼處，兼有派職員24小時留意，避免意外發生。