馬會植林 廣東豎JC標誌

【明報專訊】香港人飲嘅東江水，水源喺廣東河源，港人除咗每年付巨款買水外，馬會都出錢，向中國綠色碳匯基金捐款262萬元人民幣（約331萬港元），喺東江源頭嘅山嶺植樹造林。馬會早前仲聯同20個由馬會員工組成嘅義工北上河源市龍川縣，種下一棵棵小樹苗。今次嘅環保活動都有少少賣廣告作用，因為當地政府喺山頭豎立咗大大個「HKJC」（馬會英文簡稱）字樣標誌，唔知馬會喺香港捐錢植林，漁護署會唔會肯咁做呢？


馬會公司事務執行總監麥建華就話，呢個項目造林面積達2000畝，預計可種植約18萬株樹苗，不但可增加森林面積，改善生態環境，仲可以為農民創造就業機會。