羅范卿姐約小桃園飯局

【明報專訊】行政會議成員羅范椒芬噚日應邀去咗民主黨主席劉慧卿嘅網台節目做嘉賓，羅太喺節目上又重提當年流浮山「小桃園飯局」一事，作為特首候選人被抹黑嘅例子。卿姐聽到就笑住話，前晚都有去小桃園食飯，仲問侍應「上海仔喺邊度？」，羅太聽到都笑住話，下次一齊去小桃園食飯。


羅太同卿姐一坐低，大家就互笠高帽。羅太大讚卿姐一身粉紅色衣著好睇，卿姐此時就大爆另一名行政會議成員葉劉淑儀嘅秘密，話原來葉太上節目前會預先夾定大家著乜嘢色衫，話費事撞衫喎。


卿姐都大讚羅太，話佢好畀面，喺北京兩會返港之後雖然病咗，但一病好就即刻答應上節目做嘉賓。卿姐仲話羅太敢言，係「惹火尤物」