港澳研究會學者話畀港大冷落

【明報專訊】港大法律學院比較法與公法研究中心周四舉行國際學者圓桌會議。全國港澳研究會發現成員唔喺獲邀學者名單上面，急急派出深圳大學法學院副院長鄒平學同教授李薇薇出席旁聽，不過佢兩個未有要求發言之餘，仲提早離開。研究會副會長陳多即晚向中通社投訴，唔滿意成員被人冷落，仲「坐了一整天冷板櫈」，港大方面就話唔明點解咁講，事關其實會場每個位前面都有咪，唔明對方點解唔把握機會發言。


港大：會議有畀咪 佢哋唔講嘢

Emily當日觀察，主持曾邀請在席其他人發言，好似人民力量劉嘉鴻介紹人力政改方案就講咗約10幾分鐘，但兩名內地學者相當安靜，未見踴躍發言。港大方面噚日同Emily講，佢哋喺會議前一晚先收到研究會要求安排兩人出席，雖然對方無交代發言內容，但為豐富討論，都畀對方出席旁聽，佢哋遲啲會再邀請兩人用書面發表意見。