兩個「服/伏」分贈一哥譚志源

【明報專訊】噚日南區區議會上，民主黨一班「乳鴿」區諾軒、柴文瀚、羅健熙同徐遠華寫咗兩個「服/伏」字，一個「服」字就送畀警務處長曾偉雄，佢哋不滿一哥早前話《明報》前總編輯劉進圖遇襲案「無直接證據顯示與新聞工作有關」，喺警員抬走區議員許智峯一事上，又叫記者詢問法律顧問咩叫社會安寧，連番失言，「服」佢咁話；另一個「伏」字送畀政制及內地事務司長譚志源，佢哋話京官近日頻頻封殺公民提名，又增加機構提名等條件，話如果通過咁樣嘅政改方案，港人真係「中伏」。


兩名接收示威物品嘅官員反應就唔同啦，一哥只係硬笑同講唔該，政制及內地事務局長譚志源就不忘幽默一番，區諾軒問佢會唔會鑲起個「伏」字，譚就話隻字會擺喺政改意見書，當係意見書一部分。