海怡補選 3候選人最後衝刺

【明報專訊】南區區議會海怡西補選將喺嚟緊周日（3月23日）投票，3名候選人，人民力量袁彌明（Erica）、民主黨單仲偕同新民黨陳家珮，噚日都趁住呢個選舉前最後周末積極向街坊拉票。好似袁彌明咁，該黨嘅「星屑醫生」歐陽英傑、「慢咇」譚得志、前會計界議員譚香文等，周六都有到海怡同Erica拉票，仲將相片上載到facebook。


袁彌明vs.單仲偕vs.陳家珮

相比之下，單仲偕facebook就仲未見到有大型站台照片，但佢就獲得泛民跨黨派支持，好似公民黨陳家洛、南區區議員司馬文、真普聯鄭宇碩、會計界梁繼昌等，都同過佢站台。單仲偕張banner仲印住前政務司長陳方安生個大名