新聞類別
港聞
詳情#
【明報專訊】為期10日嘅維園花卉展噚日開幕，朝早請到特首夫人梁唐青儀、民政事務局常秘楊立門等主持開幕禮。由於梁太個寶貝女梁齊昕，最近喺網上發表關於《明報》前總編輯劉進圖遇襲嘅言論引起爭議，在場記者自然唔會放過機會，梁太離開典禮台後就追問佢點睇囡囡呢件事，點知梁太只係講咗一句「我今日希望嚟睇花」，就無再回答記者提問。
20人開路 學生爭住影相
之後，梁太喺場內賞花接近1小時，全程出動約20名保安同工作人員「開路」，搞到佢經過嘅地方都迫到水泄不通，有次仲影響到喺場內寫生嘅學生，要應保安要求稍移玉步。
同場賞花嘅仲有港姐冠軍陳凱琳，圍觀嘅市民有增無減，Emily仲聽到有學生話「嘩！陳凱琳喺度呀」，即時衝過去影相，其間唔為意隔離嗰位係特首夫人
留言 (0)
