百度教主偷偷上網靠小米

【明報專訊】百度「靚仔」老闆李彥宏（左圖）昨日早上出席工商聯小組開放會議，他身穿一件寶藍色恤衫，與其他穿著黑色西裝的政協相比，確實較為新潮時髦，絕對是萬「黑」叢中一點「藍」，小記不禁要找個有利角度，為他拍攝幾張大頭照。但拍攝捕捉了幾分鐘，靚仔都唔肯抬頭望鏡頭，淨係掛住望枱底。


原來，他趁吉利汽車老闆發言時，偷偷在枱底玩電話，活像一個上堂生怕被老師鬧的壞學生，遮遮掩掩。小記當然唔放過這些機會，繼續拍照。點知放大一睇，畀讀者估下，李彥宏用緊咩手機？蘋果定三星？答案係小米3（右圖）。真係估你唔到，連內地科網巨子都用小米，難怪雷軍出席人大開幕時畀一班記者「圍」喇！雷軍黎緊都可以考慮下揾哩位「中國Google 」老闆做代言人喎！


靚仔下半場一於小理，將電話擺埋上枱，繼續沉醉做低頭一族，仲用埋電話上百度網，唔知係不經意流露，定終於發現小記影緊佢，所以喺度賣廣告呢？