亞視粉絲「反滅聲」撐續牌

【明報專訊】通訊局噚晚喺牛池灣舉行第二場免費電視牌照續期公聽會，亞洲電視嘅支持者繼續到場發起聲援亞視行動，更高舉「撐新聞自由」、「反滅聲」等口號，甚至舉牌話「You can't kill us all」，要求政府為亞視續牌。不過亦有出席者批評亞視重複播放節目，時事節目偏頗等。


接替雷競斌出任亞視高級副總裁兼執行董事嘅葉家寶喺公聽會話「新的亞視係我做執董下誕生」，又話「改版的ATV焦點即將播出」，會包容更多不同意見等。


有亞視支持者會上稱，「有人指亞視係中共台，但請問香港有多少個左派電視台」，擔心亞視失去牌照，會令香港電視節目欠多元，係真正嘅「滅聲」。


何沛謙：公平公正處理

而被多名亞視支持者批評「針對亞視、偏頗」嘅通訊局主席何沛謙，總結時強調通訊局處理發牌「公平、公正」，會聽「唔同市民意見」。但佢發表相關言論時，被亞視支持者打斷5次，話佢「講大話」。