CY借《一代宗師》撐港產片

【明報專訊】前兩日Emily放工即刻趕返屋企重溫奧斯卡頒獎禮，估唔到特首梁振英（CY）同佢太太唐青儀都一樣有留意。CY噚日專登寫咗篇官方網誌，話香港導演王家衛執導嘅《一代宗師》雖然無攞到獎，但可以入圍奧斯卡，唔單止肯定咗香港電影嘅水平，仲為華語電影發展國際市場打下強心針。


佢仲話政府會繼續支持香港電影持續發展，叫大家平時多啲去戲院「欣賞我們本地的作品，共同為香港電影加油打氣」咁話！CY又大讚王家衛嘅戲，例如《阿飛正傳》、《花樣年華》，令大家印象難忘，話因為《一代宗師》入圍競逐奧斯卡「最佳攝影」同「最佳服裝設計」，所以佢哋全家都特別關心。