新聞類別
港聞
詳情#
【明報專訊】近日網上瘋傳名為《香港將於33年後毁滅》短片,令唔少網民大呼「好touching」。段片內容係講有一日突然有一粒小行星,被發現會喺33年後撞擊香港,香港面臨減絕,港人大限臨近,政府就另搵地建「新香港」;不過,一班港人就視而不見,只掛住股市同樓市跌幾多,返工唔諗將來,到絕望一刻選擇離開香港。
此時,有一個年輕人選擇堅持留守唔放棄,最終雖然見證到香港凋零,不過佢話無財團再壟斷,小商舖得以重生,樓價下跌人人買到樓,最後呢個年輕人憑努力,發明咗死火炮,擊碎小行星拯救香港,寓意港人唔好放棄。
短片導演阿凡話,呢條片係同一班讀電視電影嘅前同學仔,舊年申請資助拍攝。佢話近幾年內地人愈來愈有錢,令到部分港人「無咗志氣」,就算對住香港政府,連爭取免費電視發牌亦唔成功,搞到大家「好無力」而選擇「扮瞓」,亦即好似片中嘅香港人,就算知道小行星要撞香港,大家都無理會,「因為根本唔知點算」。
等待機會可重新出發
人生滿希望,阿凡話真正愛香港嘅人唔應該放棄,要學識「忍耐」,等待一個機會,就可以重新出發,就如片中「點解仲有30年嘅時間,唔盡力嘗試搵出拯救香港嘅方法?我哋除咗選擇逃避之外,其實我哋仲有選擇勇敢面對嘅自由」。
此時,有一個年輕人選擇堅持留守唔放棄,最終雖然見證到香港凋零,不過佢話無財團再壟斷,小商舖得以重生,樓價下跌人人買到樓,最後呢個年輕人憑努力,發明咗死火炮,擊碎小行星拯救香港,寓意港人唔好放棄。
短片導演阿凡話,呢條片係同一班讀電視電影嘅前同學仔,舊年申請資助拍攝。佢話近幾年內地人愈來愈有錢,令到部分港人「無咗志氣」,就算對住香港政府,連爭取免費電視發牌亦唔成功,搞到大家「好無力」而選擇「扮瞓」,亦即好似片中嘅香港人,就算知道小行星要撞香港,大家都無理會,「因為根本唔知點算」。
等待機會可重新出發
人生滿希望,阿凡話真正愛香港嘅人唔應該放棄,要學識「忍耐」,等待一個機會,就可以重新出發,就如片中「點解仲有30年嘅時間,唔盡力嘗試搵出拯救香港嘅方法?我哋除咗選擇逃避之外,其實我哋仲有選擇勇敢面對嘅自由」。
留言 (0)