新聞類別
港聞
詳情#
【明報專訊】反佔中團體「正義聯盟」公布佢哋嘅政改方案,為咗可以讓2017年普選安穩同順利舉行,佢哋建議喺落實普選前,要為《基本法》23條立法。佢哋話無安定社會,即使有普選都無用,仲話家嘅媒體報道好偏頗,甚至有政治目的,覺得23條可以幫助「市民睇事物時更清晰同通透」。不過特首梁振英(CY)一早講明任內唔會搞23條,今次「正義聯盟」係咪強CY所難呀?
除咗23條,為咗防止外國勢力入侵,影響香港選舉,「正義聯盟」話要盡快落實政黨法,要求政黨公開財政報告,同唔可以接受外國機構支持同捐款。
入佔中救傷隊要宣誓
另外,「正義聯盟」加入街站戰團,喺3月22或23號連續16個星期喺各區招兵買馬,呼籲市民加入成為「糾察救傷隊」。大約4月底有第一期訓練班,有7個識急救嘅教練會義務提供急救訓練。召集人李偲傿話,他日佔中發生,佢哋「一定會落場救急扶危」,仲話希望有一二千人落場,協助警方。但要成為其中一員,就要面試同宣誓,仲要識得危機意識處理、有一定嘅情緒智商同基本IQ喎。
留言 (0)