劉江華跟大隊撐新聞自由

【明報專訊】工黨噚日擺酒慶祝兩歲生日，唔少官員都有到場致賀，工黨喺籌款之餘仲預備咗一本名冊，請赴會嘉賓簽名為《明報》前總編輯劉進圖打氣加油。工黨慶祝成立兩周年，都不忘新聞自由，認真有心。


但係政制局副局長劉江華（左）見到名冊時起初好似有啲避忌，話官員身分好似唔多合適簽署咁話，直至工黨成員同佢講，唔少出席官員，好似食衞局長高永文、勞福局長張建宗都有簽名支持時，劉江華於是都落筆簽名。


（林俊源攝）