徐小鳳任由小齊踩「條尾」

【明報專訊】徐小鳳前晚舉行第4場演唱會，由於她的歌衫件件猶如美人魚，裙尾如餐枱一樣闊，故嘉賓任賢齊想攬她也埋不到身。小鳳姐笑說：「你可以踩我條尾，踩上我條裙度！」小齊依然誠惶誠恐，小鳳姐再批准：「第二個踩就唔得，你就一定得！」


小鳳姐要求小齊講廣東話，小齊於是用半鹹半淡口音笑說：「最初學廣東話搞出好多笑話，例如同人講大家好，我係『任人砌』，別人便狂笑了。」小鳳姐以半鹹半淡廣東話回敬：「任人砌，謝謝你今晚來鋪牀（捧場）！」


小鳳姐見到嘉賓盧海鵬身材一晚比一晚好，她忍不住說：「鵬哥愈來愈靚，做咩一晚比一晚勁？」鵬哥笑着摸胸說：「我發育遲吖嘛！昨晚就死實實，今晚就鬆鬆咁！」小齊見到鵬哥後大笑說：「嘩！你個波好大粒！」小齊說想見識鵬哥的名句「盧海鵬試咪」，鵬哥不敢在小鳳姐演唱會上講，故將名句改為「徐小鳳最威」。


記者：葉靜文

■有片睇﹕http://ol.mingpao.com/ent.htm