民主黨春茗有雞食

【明報專訊】民主黨噚日喺旺角搞春茗，食物及衛生局長高永文（左二）同公務員事務局長鄧國威畀面到場，黨主席劉慧卿（中）一見到高永文就叫大家放心，今晚會有雞食喇。Emily聽聞，本來運輸及房屋局長張炳良都會到，但因為立法會嗰邊仍在開會審議印花稅修訂條例，所以最終嚟唔到。


春茗筵開50幾席，同埋一眾街坊朋友賀新春。張文光一身「潮人look」赴會，佢剷青兩邊頭髮，剷淨前面嘅劉海，佢話連女兒都讚佢型。但係，原來佢咁做係為咗呼籲大家支持劉霞，佢話3月8日配合支聯會剷清個頭，正式整番個「劉霞裝」。


噚日春茗撞正立會審議家印花稅修訂，搞到班立法會議員四圍騰，先去春茗再返立法會開會。胡志偉話，佢同單仲偕、涂謹申3個男子會喺立法會頂住先，等卿姐可以有多啲時間招呼客人。圖左起何俊仁、高永文、劉慧卿、黃碧雲及狄志遠。