陳克勤變展昭粉絲

【明報專訊】買家印花稅正喺立法會熱議，民建聯立法會議員陳克勤日前就去咗惠州，出席惠州政協會議。唔講唔知，喺劇集《包青天》飾演「展昭」、做到入晒屋嘅何家勁，原來都係惠州政協，兩人咁啱喺會議上碰頭，克勤仔變身小粉絲同對方合照，然後放上facebook分享。


相片中，「展昭」仍然係一身紅色打扮，不過當然唔係宋朝服飾，而係一件有玫瑰花紋嘅恤衫，認真唔易著。大家可能記得，「展昭」先排都曾經喺網上分享同另一位惠州政協、影星陳小春嘅合照，咁克勤仔又有無撞到「山雞」呢？果然，無幾耐克勤就喺網上話，小春唔單止坐喺對面，仲有發言