新聞類別
財經
詳情#
【明報專訊】韓劇《來自星星的你》橫掃中港台，小琴以為中「星星毒」係女士居多，點知一向特立獨行到令人覺得佢來自外星系嘅阿里巴巴創辦人馬雲，對呢種「劇毒」似乎都冇乜抵抗力，旗下支付寶話要搞「意念支付」，成功嘅話，買賣雙方只要篤一篤對方手指即成事，簡直就係人類與外星人接觸嘅橋段噃！
支付寶噚日喺新浪微博宣布，支付寶正研發緊意念支付，具體操作係用家戴住「支付寶錢包微型手指」，買賣雙方交收款項時候只要指尖掂指尖，呢個設備就會讀取佢哋嘅腦電波，跟住轉化成交易信息再即時過數，過程中雙方身體仲會有1至2秒嘅酥麻感。為咗令大家明白，支付寶配咗一幅效果圖，正正就係《來自星星的你》嘅劇照。
篤一篤對方手指即找數
小琴記得舊年愚人節，網上流傳好多惡搞新聞，其中一單就係話支付寶即將推出意念支付，當時所講嘅玩法較簡單，只需用對眼望實個熒幕，就可以用念力操作。今次支付寶喺新浪微博「證實」研發緊意念支付，加上外形略帶E.T.影子嘅馬雲，同埋阿里巴巴一貫創新嘅作風，再加上噚日唔係愚人節，小琴決定問一問阿里巴巴靚女公關呢個研發係咪真㗎。之不過連公關姐姐都唔知佢老闆搞邊科，話唔知情亦冇咩可以補充喎。
微博邀網友參加內部測試
支付寶喺微博呼籲網友參加短期內就會做嘅內部測試，有網友留言質疑真偽，支付寶就回覆話，轉發微博就可以報名，唔知最終有幾多人會報名呢？
email: piano@mingpao.com
[小琴密語]
支付寶噚日喺新浪微博宣布，支付寶正研發緊意念支付，具體操作係用家戴住「支付寶錢包微型手指」，買賣雙方交收款項時候只要指尖掂指尖，呢個設備就會讀取佢哋嘅腦電波，跟住轉化成交易信息再即時過數，過程中雙方身體仲會有1至2秒嘅酥麻感。為咗令大家明白，支付寶配咗一幅效果圖，正正就係《來自星星的你》嘅劇照。
篤一篤對方手指即找數
小琴記得舊年愚人節，網上流傳好多惡搞新聞，其中一單就係話支付寶即將推出意念支付，當時所講嘅玩法較簡單，只需用對眼望實個熒幕，就可以用念力操作。今次支付寶喺新浪微博「證實」研發緊意念支付，加上外形略帶E.T.影子嘅馬雲，同埋阿里巴巴一貫創新嘅作風，再加上噚日唔係愚人節，小琴決定問一問阿里巴巴靚女公關呢個研發係咪真㗎。之不過連公關姐姐都唔知佢老闆搞邊科，話唔知情亦冇咩可以補充喎。
微博邀網友參加內部測試
支付寶喺微博呼籲網友參加短期內就會做嘅內部測試，有網友留言質疑真偽，支付寶就回覆話，轉發微博就可以報名，唔知最終有幾多人會報名呢？
email: piano@mingpao.com
[小琴密語]
留言 (0)
