英想做內地客「首選目的地」

【明報專訊】世事有時都幾諷刺，正當周日「驅蝗行動」高舉港英旗反對內地旅客太多，那邊廂英國政府就話希望英國可以成為中國旅客嘅「首選目的地」（prime destination）。


英國財相歐思邦（George Osborne）噚日在港出席英國商會活動時話，希望英國可以同中國有更多金融服務業嘅合作，仲話希望令中國旅客更容易去英國旅行，好似英國百貨公司John Lewis亦有打算接受人民幣付款。香港有人話要捍衛廣東話，歐思邦就話，佢10歲嘅女已經開始學緊普通話，希望未來英國有更多小朋友可以學普通話，亦有更多中港學生去英國交流。歐思邦話，目前每年有近30萬中國旅客訪英，去年增長40%，相對於香港每年約4000萬內地旅客人次，英國梗係仲有好多空間接待內地客。