金活醫藥﹕間間企業都有騰訊夢

【明報專訊】醫企又成為阿里與騰訊較勁戰場，阿里入股中信21搞藥品網站後，市場都關心騰訊（0700）有咩跟進動作。噚日，主營京都念慈菴、喇叭牌正露丸等藥品嘅醫藥代理商金活醫藥（1110）嚟香港搞推介，被問會唔會同騰訊搞合作，執行董事林玉生就笑住話，「間間企業都有一個騰訊夢」，又證實公司主席早前曾與馬化騰見面。


老闆爆與馬化騰同鄉

據知金活醫藥主席趙利生同馬化騰都係潮州老鄉，一早就識，兩位都係深圳潮青會會員，所以早排就係潮青會聚會見過面，仲影埋相。金活管理層透露，可能佢哋傾過電商合作，但未有定論。不過因為佢哋私下都係friend，唔排除會優先搵騰訊，「如果真有合作，到時一定會發公告啦。」電商近年搶走實體店份額係不爭啲事實。林玉王話﹕「我哋好有緊迫危機感，希望搵大型內地電商，去佢嘅網上商城醫藥板塊，自己開自己嘅店。」另外，騰訊噚日發通告確認，入股比喻為內地Openrice嘅大眾點評網。


[小琴密語]