新聞類別
港聞
詳情#
【明報專訊】港大百周年校園噚日豎立咗一座新雕塑（箭嘴示），多謝校友何鴻燊以「一對一等額配對」計劃，為港大籌得10億元。何博士喺2005年創立「何鴻燊校友挑戰計劃」，校友捐1蚊，佢就捐1蚊，每年上限1億，連續5年，結果超過1.3萬名校友總共捐咗5億，何博士就配對捐5億。
何博士噚日由六女何超蕸、五女何超鳳、四女何超瓊、九女何超盈，同四太梁安琪陪伴，精神飽滿咁出席典禮，仲致咗幾句辭，以「夢想成真」形容計劃成功為港大籌得10億。
Emily聽聞，呢筆捐款令港大超過100個部門及500個項目受惠，包括學生發展活動、教研項目，同埋興建百周年校園等。Emily仲知道，雕塑概念來自校長徐立之，由高華文教授設計，中文名《外圓內方》出自《後漢書•郅惲傳》，比喻做人處事豁達，內心有固守嘅準則。
（港大提供）
何博士噚日由六女何超蕸、五女何超鳳、四女何超瓊、九女何超盈，同四太梁安琪陪伴，精神飽滿咁出席典禮，仲致咗幾句辭，以「夢想成真」形容計劃成功為港大籌得10億。
Emily聽聞，呢筆捐款令港大超過100個部門及500個項目受惠，包括學生發展活動、教研項目，同埋興建百周年校園等。Emily仲知道，雕塑概念來自校長徐立之，由高華文教授設計，中文名《外圓內方》出自《後漢書•郅惲傳》，比喻做人處事豁達，內心有固守嘅準則。
（港大提供）
留言 (0)
