2000萬鎊捐英名校 潘迪生獲榮譽院士

【明報專訊】迪生創建主席潘迪生早前以院士袍打扮現身，令Emily同一眾行家仲以為「名牌潘」突然轉攻學術界。原來潘迪生喺2012年捐咗2000萬英鎊（約2.6億港元）畀英國King's College London嘅法律學院，所以校方決定向佢頒授榮譽院士。本港首富以前捐錢畀港大，港大將醫學院改名引起爭議；而King's College收到大額捐款，亦冠名「潘迪生法律學院」（The Dickson Poon School of Law）以示謝意。


根據King's College London說法，潘迪生捐呢個金額，仲係學院，以至英國及歐洲等地法律學系有史以嚟最巨額嘅個人捐款。


學院上周一（10日）喺香港港麗酒店舉行榮譽院士頒授儀式，前政務司長唐英年伉儷、東亞銀行主席李國寶、立法會商界議員林健鋒等人都有出席道賀。