譚志源多聲道 向少數族裔推政改

【明報專訊】政制及內地事務局長譚志源噚日去咗參加油尖旺區民族文化表演2014活動，順便向少數族裔推銷政改，為咗可以令少數族裔人士都可以參與政改討論，一齊有商有量，局長都準備咗唔同少數族裔語言嘅政改宣傳單張。


準備定多語言單張

譚局長致辭時特意中、英雙語並用，仲強調香港係一個國際大都會，匯聚來自唔同文化及唔同種族嘅人。


譚志源咁有義氣肩負埋推銷兩文三語嘅任務，教育局會唔會考慮邀請佢做生招牌呢？