新聞類別
財經
詳情#
【明報專訊】赤柱廣場同埋古蹟美利樓向來係唔少新人影婚紗相嘅必到之處，噱頭多多嘅領匯（0823）當然識做，專登喺美利樓開咗新娘化妝間，提供私人空間予新人換衫同埋化妝。據講個新娘化妝間將設喺美利樓地下，下個月起可以供大眾免費借用，不過只接受網上申請，而且要先到先得，一眾新人想使用就要及早預訂。
4樓設空中情人觀景台
嚟緊星期五2月14日除咗係西方情人節之外，仲撞正農曆正月十五元宵佳節，中西情人節加持下肯定加倍浪漫，相信唔少有情人都會去赤柱望吓海或者燭光晚餐浪漫一番，領匯當然唔放過難得宣傳機會，將赤柱廣場4樓觀景台重新包裝成「空中情人觀景台」，仲免費派發情人卡，等情侶可以在將雙方名字寫上情人卡，然後掛在觀景台上，以見證雙方永恒愛情咁話。領匯搞咁多動作，都係希望相信可以吸引更加多準新人去到赤柱影相，順便幫襯商場消費啫。
另外，領匯早前翻新旗下的樂富廣場，據講現時每日人流達3萬至4萬，領匯行政總裁黃國龍噚日同傳媒午宴時笑言，印傭以及菲傭都是其商場嘅重要客群之一，現時翻新商場最緊要預留一兩個舖位專門售賣印尼、菲律賓食品或雜貨。
email: piano@mingpao.com
[小琴密語]
4樓設空中情人觀景台
嚟緊星期五2月14日除咗係西方情人節之外，仲撞正農曆正月十五元宵佳節，中西情人節加持下肯定加倍浪漫，相信唔少有情人都會去赤柱望吓海或者燭光晚餐浪漫一番，領匯當然唔放過難得宣傳機會，將赤柱廣場4樓觀景台重新包裝成「空中情人觀景台」，仲免費派發情人卡，等情侶可以在將雙方名字寫上情人卡，然後掛在觀景台上，以見證雙方永恒愛情咁話。領匯搞咁多動作，都係希望相信可以吸引更加多準新人去到赤柱影相，順便幫襯商場消費啫。
另外，領匯早前翻新旗下的樂富廣場，據講現時每日人流達3萬至4萬，領匯行政總裁黃國龍噚日同傳媒午宴時笑言，印傭以及菲傭都是其商場嘅重要客群之一，現時翻新商場最緊要預留一兩個舖位專門售賣印尼、菲律賓食品或雜貨。
email: piano@mingpao.com
[小琴密語]
留言 (0)
