電影資料館 重現舊日戲院情懷

【明報專訊】今時今日印刷技術高超，巨型電影海報可以話印就印。不過，1980年代前，巨型電影海報都係全人手繪畫，落雨天仲可能會出現甩色嘅情形。


展《新不了情》重繪廣告畫

大家如果想欣賞一吓昔日嘅影畫戲巨型廣告，就唔好錯過香港電影資料館嘅「舊日戲院昔日情」展覽。展覽仲邀請咗資深畫師周強重繪多幅電影廣告畫，例如《黃飛鴻獅王爭霸》、《新不了情》同《馬永貞》等。


百件文物 戲橋舊相有得睇

「舊日戲院昔日情」展覽除咗展出6幅4呎乘6呎嘅大型電影海報，仲將電影資料館化身成懷舊戲院大堂，展示130多件電影文物，包括戲橋、電影特刊、手畫座位表、戲票、體重磅、舊戲院照片等。


大家想緬懷昔日舊戲院嘅前塵往事，就唔好錯過呢個由即日起到3月2日舉行嘅免費展覽啦。