利市封回收 望收300萬個

【明報專訊】農曆新年期間，相信唔少人完利市開心之餘，都唔知點處理大批用完嘅利市封，綠領行動今年繼續舉辦回收利市封行動，整理完後會派番畀市民重用，佢哋話今年回收點有超過400個，更加方便市民參與，希望可以回收到300萬個利市封。


領匯商場 中銀永隆設回收點

綠領行動噚日喺有份參與做回收點嘅領匯旗下一個商場舉辦啟動禮，環境局長黃錦星都有出席支持，而今年嘅回收活動，由噚日開始直到22號，喺領匯商場、中銀、永隆銀行嘅分店等都設有回收點。


綠領行動總幹事何漢威話，希望今次行動可以令市民將重用精神推廣去衣服、揮春甚至家具，打破中國人新年去舊迎新觀念。佢又話港人舊年用咗3.2億個利市封，相等於砍伐1.6萬棵樹，呼籲市民唔好拎同買唔需要嘅利市封。如果讀者想知道附近有咩回收點，可以上綠領行動網頁睇吓，網址為http://www.greeners-action.org/gsc/public/others/2014_Lai_See_/2014_LaiSee_collection_point.pdf。