厄國小姐中大讀碩士

【明報專訊】一名曾經直闖總統府要求見總統嘅選美冠軍，家「直闖」中大成為該校嘅碩士生。2011年厄瓜多爾小姐（在英國舉行比賽）冠軍Lisset Jaramillo Centeno目前係中大可持續旅遊碩士課程學生。第一次踏足香港嘅佢話，最鍾意香港嘅島嶼同新界，例如東平洲、大帽山、長洲、沙頭角等。


修持續旅遊 鍾情港島嶼

最新一期《中大通訊》訪問咗呢名美貌與智慧並重嘅選美冠軍Lisset Jaramillo Centeno，佢話自從贏咗厄瓜多爾小姐（英國）冠軍後，一直參與推廣厄國旅遊業、服務社會，仲去探訪厄國首都基多最危險嘅監獄，為囚犯辦學校同工作坊。


為咗可以同厄國總統科雷亞報告參與活動時嘅所見所聞，佢唔理三七廿一，直闖總統府要求同總統會面，仲說服咗保安畀佢穿過第一道保安門，最後佢「出門遇貴人」，獲得總統嘅私人助手幫助，終能同總統會面。


稱佩服港靠填海增地

Lisset Jaramillo Centeno話自己修讀旅遊專業，去世界唔同大洲遊歷係好重要，加上從未踏足過亞洲，所以就揀咗嚟香港讀書。


來自南美洲嘅佢都話香港好熱，仲話香港靠填海來增加用地，令佢好佩服。